ഒരു കോടി രൂപ മുകളിൽ പണമായി പിൻവലിച്ച സഹകരണ ബാങ്കുകൾക്ക് കേരള ബാങ്ക് വക ആദായ നികുതി നോട്ടീസ്
2021 -22 വർഷം കേരള ബാങ്കിൽ നിന്നും ഒരു കോടിയിൽ കൂടുതൽ പണമായി പിൻവലിച്ച സർവീസ് സഹകരണ ബാങ്കുകൾക്ക് 194 N പ്രകാരം TDS പിടിക്കാൻ അറിയിപ്പ് വന്നിരിക്കുകയാണ്. സാമ്പത്തിക വർഷത്തിന്റെ ഈ അവസാന സമയത്ത് രണ്ട്
ശതമാനം തുക ആദായ നികുതി അടക്കുന്നതിനാണ് നോട്ടീസ് വന്നിരിക്കുന്നത്.
സാമൂഹിക പെൻഷൻ, കെ. എസ്. ആർ. ടി. സി
പെൻഷൻ എന്നിവ വിതരണം ചെയ്യുന്നവരെയാണ് ഇത് കൂടുതലായും ബാധിക്കുന്നത്.
പെൻഷൻ വിതരണം ചെയ്യുന്നതിന്റെ പേരിൽ ലക്ഷക്കണക്കിന് രൂപ നികുതി അടക്കേണ്ടതായി സംഘങ്ങൾക്ക് വരുന്നു. കേരളത്തിലെ 1600 സംഘങ്ങളെയും ബാധിക്കുന്ന നടപടിയാണിത്. ആദായ നികുതി വകുപ്പ് പരിധിയിൽ കൂടുതൽ പണം പിൻവലിച്ച അക്കൗണ്ടുകളിൽ നിന്നും നികുതി പിരിച്ചു അടക്കാൻ കേരള ബാങ്കിനോട് ആവശ്യപ്പെട്ടിരിക്കുകയാണ്. മാർച്ച് 31 ന് മുൻപ് നികുതി പിരിച്ച് ആദായ നികുതി വകുപ്പിന് അടക്കണമെന്ന് കേരള ബാങ്ക് സംഘങ്ങൾക്ക് നൽകിയ നോട്ടീസിൽ പറയുന്നു.
കഴിഞ്ഞ വർഷം വരെ പെൻഷന് ആവശ്യമായ തുക ട്രഷറിയിൽ നിന്നും നേരിട്ടാണ് നൽകിയിരുന്നത് .പിന്നീടത് കേരള ബാങ്കിലേക്ക് മാറ്റുകയാണുണ്ടായത്. ഇതിനെതിരെ അഡ്വ. എം. എം മോനായി മുഖാന്തിരം നൽകിയ
കേസുകൾക്ക് കോടതി സ്റ്റേ നൽകിയിട്ടുണ്ട് എന്നത് താത്കാലിക ആശ്വാസമാണ്.
തയ്യാറാക്കിയത് :
ആർ. എം. രാമചന്ദ്രൻ
(കുന്നത്തുനാട് സർക്കിൾ സഹകരണ യൂണിയൻ, ചെയർമാൻ)
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment