ഓരോ പ്രദേശത്തെയും സാധ്യതകളും സാഹചര്യങ്ങളും കണക്കിലെടുത്തുകൊണ്ട് മാറുന്ന കാലഘട്ടത്തിനനുസരിച്ച് സഹകരണ ബാങ്കുകൾ വൈവിധ്യവത്കരണത്തിലേക്ക് മാറണമെന്ന് സഹകരണ വിദഗ്ദനായ ഡോ.എം.രാമനുണ്ണി പറഞ്ഞു. ടീം കോ-ഓപ്പറേറ്റീവും പറവൂർ-വടക്കേക്കര സർവീസ് കോ-ഓപ്പറേറ്റീവ് ബാങ്കും ചേർന്ന് സംഘടിപ്പിച്ച " സഹകരണ ബാങ്കുകളിലെ വൈവിധ്യവത്കരണം" സെമിനാർ ഉദ്‌ഘാടനം ചെയ്തുകൊണ്ട് മുഖ്യപ്രഭാഷണം നടത്തവേയാണ് അദ്ദേഹം ഇങ്ങനെ പറഞ്ഞത്.ജനങ്ങൾക്ക് ആവശ്യമുള്ളത് എന്താണോ എന്ന് മനസ്സിലാക്കി ആ സാധ്യതകൾ ഉപയോഗപ്പെടുത്തിക്കൊണ്ട് അവരുടെ പ്രശ്നങ്ങൾ പരിഹരിക്കുവാനുള്ള കേന്ദ്രങ്ങളായി ഓരോ സഹകരണ സംഘങ്ങളും മാറണമെന്നും അദ്ദേഹം പറഞ്ഞു .പറവൂർ വടക്കേക്കര സഹകരണ ബാങ്ക് പ്രസിഡണ്ട് എ.ബി.മനോജ് അധ്യക്ഷത വഹിച്ച ചടങ്ങിൽ  'നബാർഡ് എസ്.ആർ.എഫ് പദ്ധതികളുടെ വിശദീകരണം" എന്ന വിഷയത്തിൽ ടീം കോ -ഓപ്പറേറ്റീവ് പ്രൊജക്റ്റ് ഡയറക്ടർ മധു ചെമ്പേരി പ്രഭാഷണം നടത്തി.വടക്കൻ പറവൂർ,സർക്കിൾ സഹകരണ യൂണിയൻ ചെയർമാൻ, പറവൂർ -വടക്കേക്കര സഹകരണ ബാങ്ക് സെക്രട്ടറി കെ .എസ് .ജെയ്സി , ടീം കോ -ഓപ്പറേറ്റീവ് കോ -ഓർഡിനേറ്റർ സജീഷ് കുട്ടനെല്ലൂർ എന്നിവർ സംസാരിച്ചു.