കേരളത്തിലെ ജനങ്ങളെ  സാമ്പത്തിക സ്വയം പര്യാപ്തരാക്കുന്നതിലും ,നാടിന്റെ ഉന്നമനത്തിനു വേണ്ടി  പ്രവർത്തിക്കുന്നതിലും മുൻപന്തിയിൽ നിൽക്കുന്നതാണ്  സഹകരണ സ്ഥാപനങ്ങൾ എന്നത് ഒരു യാഥാർഥ്യമാണ്.ബാങ്കിങ്ങിനോടൊപ്പം തന്നെ സഹകരണ മേഖലയിൽ വൈവിധ്യവത്കരണം അനിവാര്യമായിരിക്കുന്ന ഒരു കാലഘട്ടമാണിത്. ഈ പശ്ചാത്തലത്തിൽ സഹകരണമേഖലയിൽ സജീവമായി ഇടപെടുകയും പദ്ധതികൾ നടപ്പിലാക്കുകയും ചെയ്യുന്ന ടീം കോ-ഓപ്പറേറ്റീവ്  പറവൂർ വടക്കേക്കര സർവീസ് കോ -ഓപ്പറേറ്റീവ് ബാങ്കിന്റെ സഹകരണത്തോടെ  " സഹകരണ ബാങ്കുകളിലെ  വൈവിധ്യവത്കരണം" എന്ന വിഷയത്തിൽ ഒരു സെമിനാർ സംഘടിപ്പിക്കുകയാണ്.പറവൂർ-വടക്കേക്കര സർവീസ് സഹകരണ ബാങ്ക് ഓഡിറ്റോറിയത്തിൽ വെച്ച്  2022 ജനുവരി 5 ന്   ഉച്ചക്ക് 2 മണിക്ക് നടക്കുന്ന പരിപാടി സഹകരണ വിദഗ്ദനായ ഡോ: എം.രാമനുണ്ണി ഉദ്‌ഘാടനം ചെയ്യുന്നതാണ് ( മുൻ തൃശൂർ ജില്ലാ സഹകരണ ബാങ്ക് ജനറൽ മാനേജർ ,കൺസ്യുമർ ഫെഡ് മുൻ എംഡി ) കേരള ബാങ്ക് എറണാകുളം ജനറൽ മാനേജർ ശ്രീ.എൻ അനിൽകുമാർ മുഖ്യാതിഥിയായി പങ്കെടുക്കും. പറവൂർ- വടക്കേക്കര സർവീസ് സഹകരണ ബാങ്ക് പ്രസിഡൻറ് എ.ബി .മനോജിന്റെ അധ്യക്ഷതയിൽ   " സഹകരണ ബാങ്കുകളിലെ വൈവിധ്യവത്കരണം" എന്ന വിഷയത്തെക്കുറിച്ച് ഡോ.എം.രാമനുണ്ണിയുടെ വിശദമായ ക്ലാസ്  ഉണ്ടായിരിക്കുന്നതാണ് .

തുടർന്ന് " നബാർഡിന്റെ SRF പദ്ധതികളുടെ വിശദീകരണം" എന്ന വിഷയത്തിൽ ടീം കോ -ഓപ്പറേറ്റീവ്, പ്രൊജക്റ്റ് ഡയറക്ടർ  മധു ചെമ്പേരി ക്ലാസ് എടുക്കുന്നതാണ്. സഹകരണ ബാങ്കുകളെ സംബന്ധിച്ച് ഇതൊരു സുവർണ്ണാവസരമാണ് ,കാരണം ഇനിയുള്ള കാലം ബാങ്കിങ്ങിനോടൊപ്പം തന്നെ വൈവിധ്യവത്കരണത്തിന്റെയും കൂടിയാണ്. ബാങ്കുകൾക്ക് വിദഗ്ധരിൽ നിന്ന് കൃത്യമായ ദിശാബോധം ലഭിക്കുകയും വിവിധ പദ്ധതികളെ കുറിച്ചുള്ള അറിവുകളും സാധ്യതകളും കൃത്യമായി മനസ്സിലാക്കാൻ സാധിക്കുകയും ചെയ്യും എന്നുള്ളതാണ് ഈ സെമിനാറിന്റെ പ്രത്യേകത

രജിസ്ട്രേഷന് ബന്ധപ്പെടുക

9846391755

9544638426