വടകര :  ബാങ്കിംഗ് മേഖലയിൽ ആധുനികവൽക്കരണം നടപ്പിലാക്കി വിവിധ സേവന പ്രവർത്തനങ്ങൾ നടത്തി കഴിഞ്ഞ കോവിഡ് കാലത്ത് വലിയ മുന്നേറ്റം ഉണ്ടാക്കാൻ വടകര റൂറൽ ബാങ്കിന് കഴിഞ്ഞിട്ടുണ്ടെന്നു ബാങ്ക് പ്രസിഡന്റ് എ. ടി. ശ്രീധരൻ ബാങ്കിന്റെ 57 മത് പൊതുയോഗത്തിൽ പറഞ്ഞു.  ഈ സാമ്പത്തിക വർഷം നൽകുന്ന 400 കോടി രൂപ  വായ്പയിൽ 100 കോടി രൂപ മുൻഗണന വിഭാഗത്തിന് നൽകും. നിലവിൽ 335 കോടി നിക്ഷേപമുള്ള ബാങ്ക് അടുത്ത സാമ്പത്തിക വർഷം 500 കോടിയാക്കാൻ ലക്ഷ്യമിട്ടിട്ടുണ്ട്.  കേന്ദ്ര സർക്കാർ ആസ്തി വികസന ഫണ്ട്‌ ഉപയോഗിച്ച് വീരഞ്ചേരിയിൽ ബൃഹത്തായ കാർഷിക പരിശീലന കേന്ദ്രത്തിനും അനുബന്ധ സേവനങ്ങൾക്കുമായി  6 കോടി രൂപയുടെ പദ്ധതി പുതിയ വർഷത്തെ അഭിമാന പദ്ധതിയാണെന്നും പ്രസിഡണ്ട്‌ അറിയിച്ചു.

 ബാങ്ക് മെമ്പർമാർക്കു 20% ലാഭവിഹിതം നൽകാൻ യോഗം  തീരുമാനിച്ചു.  യോഗത്തിൽ ബാങ്ക് വൈസ് പ്രസിഡന്റ് പി. പി. ചന്ദ്രശേഖരൻ സ്വാഗതം പറഞ്ഞു. സെക്രട്ടറി കെ. പി. പ്രദീപ് കുമാർ റിപ്പോർട്ട്‌ അവതരിപ്പിച്ചു.  ഭരണ സമിതി അംഗങ്ങളായ കെ. എം. വാസു, സി. കുമാരൻ, സോമൻ മുതുവന, അഡ്വ. ഇ. എം. ബാലകൃഷ്ണൻ, എ. കെ. ശ്രീധരൻ, കെ. ടി. സുരേന്ദ്രൻ, എൻ. കെ. രാജൻ, പി.എം. ലീന, ആലീസ് വിനോദ്, എ. പി. സതി എന്നിവർ പ്രസംഗിച്ചു.