കോട്ടയം: സഹകരണ സംരക്ഷണസമിതിയുടെ നേതൃത്വത്തിൽ   കോട്ടയം കളക്ടറേറ്റ് പരിസരത്തു നിന്നും ആരംഭിച്ച സഹകാരി മാർച്ച് ഹെഡ് പോസ്റ്റാഫീസിന് മുന്നിൽ സമാപിച്ചതിനെ തുടർന്ന്  നടന്ന ധർണ്ണ  തിരുവഞ്ചൂർ രാധാകൃഷ്ണൻ MLA ഉദ്ഘാടനം ചെയ്തു. കോട്ടയം സർക്കിൾ സഹകരണ യൂണിയൻ ചെയർമാൻ കെ.എം.രാധാകൃഷ്ണൻ അദ്ധ്യക്ഷനായി. കേരള ബാങ്ക് ഡയറക്ടർ ഫിലിപ്പ് കുഴി കുളം മുഖ്യപ്രഭാഷണം നടത്തി.

 കേരളത്തിലെ എല്ലാ RBI ഓഫീസുകൾക്കു മുന്നിലും ജില്ലാ കേന്ദ്രങ്ങളിലെ കേന്ദ്ര സർക്കാർ ഓഫീസുകൾക്കു മുന്നിലും നടത്തുന്ന പ്രക്ഷോഭങ്ങളുടെ ഭാഗമായാണ് സമരം നടന്നത്. ജില്ലാ  സഹകരണ സംരക്ഷണ സമിതി ചെയർമാൻ ജോഷി ഫിലിപ്പ്,  സി.കെ.ശശിധരൻ,   ബി.ശശികുമാർ, സർക്കിൾ സഹകരണ യൂണിയൻ ചെയർമാൻമാരായ അഡ്വ. ജോസഫ് ഫിലിപ്പ്, അഡ്വ.സതീഷ്ചന്ദ്രൻ നായർ, പി.ഹരിദാസ്, ജോൺസൺ പുളിക്കിയിൽ,  സഹകരണ ജീവനക്കാരുടെ സംഘടനാ നേതാക്കളായ TC വിനോദ്, KK സന്തോഷ്, R. ബിജു, K പ്രശാന്ത്  തുടങ്ങിയവർ സംസാരിച്ചു . ജില്ലാ സഹകരണ സംരക്ഷണ സമിതി കൺവീനർ കെ.ജയകൃഷ്ണൻ സ്വാഗതവും കോട്ടയം താലൂക്ക് സമിതി കൺവീനർ T M രാജൻ കൃതജ്ഞതയും പറഞ്ഞു. മാർച്ചിലും ധർണ്ണയിലും നൂറു കണക്കിന് ബാങ്ക് ഭരണസമിതി അംഗങ്ങളും  സഹകരണ ജീവനക്കാരും പങ്കെടുത്തു.