ഇന്ത്യയുടെ അഭിമാനമുയർത്തിക്കൊണ്ട് ഊരാളുങ്കൽ ലേബർ കോൺട്രാക്ട്  കോ -ഓപ്പറേറ്റീവ് സൊസൈറ്റി ( ULCCS ) ആഗോള റാങ്കിങ്ങിൽ രണ്ടാം സ്ഥാനം സ്വന്തമാക്കി.വ്യവസായ ഉപഭോക്‌തൃ സേവന മേഖലയിൽ ഏറ്റവും ഉയർന്ന വിറ്റു  വരവുള്ള രണ്ടാമത്തെ സ്ഥാപനമായി 2021 ലെ വേൾഡ് കോ -ഓപ്പറേറ്റീവ് മോണിറ്റർ റാങ്ക് ചെയ്തിരിക്കുകയാണ്.രണ്ടാം തവണയാണ് ഊരാളുങ്കൽ സൊസൈറ്റി ഈ സ്ഥാനം നേടുന്നത്.ഈ വിഭാഗത്തിലെ ഒന്നാം സ്ഥാനം സ്പെയിനിലെ മോൺട്രോഗാൻ എന്ന തൊഴിലാളി സംഘത്തിനാണ്.മൂന്നു മുതലുള്ള സ്ഥാനങ്ങൾ ഇറ്റലി ,അമേരിക്ക,ജപ്പാൻ,ഡെന്മാർക്ക്,തുടങ്ങിയ രാജ്യങ്ങളിലെ സ്ഥാപനങ്ങൾക്കാണ്. ഇന്റർനാഷണൽ കോ -ഓപ്പറേറ്റീവ് അലയൻസും യൂറോപ്യൻ റിസർച് ഇൻസ്റ്റിറ്റ്യൂട്ട് ഓൺ കോപ്പറേറ്റീവ്സ് ആൻഡ് സോഷ്യൽ എന്റർപ്രൈസസും ചേർന്നു വര്ഷം തോറും പ്രസിദ്ധീകരിക്കുന്ന റിപ്പോർട്ടാണ് വേൾഡ് കോ -ഓപ്പറേറ്റീവ് മോണിറ്റർ .വിപുലമായ വസ്തുതാ ശേഖരം പരിശോധിച്ച് ലോകത്തെ സഹകരണ സമ്പദ്ഘടന വിശകലനം ചെയ്താണ് റിപ്പോർട്ട് തയ്യാറാക്കുന്നത്.ഏറ്റവും മികച്ച 300 സ്ഥാപനങ്ങളെ തിരഞ്ഞെടുത്തതിൽ ഫാർമേഴ്‌സ് ഫെർട്ടിലൈസർ കോ -ഓപ്പറേറ്റീവ് ലിമിറ്റഡ്( IFFCO)ഗുജറാത്ത് മിൽക്ക് മാർക്കറ്റിംഗ് സൊസൈറ്റി,വളം നിർമ്മാതാക്കളായ( Kribhco)എന്നിവയാണ് ഇന്ത്യയിൽ നിന്ന് ഊരാളുങ്കൽ സൊസൈറ്റിയെ കൂടാതെ പട്ടികയിൽ ഉള്ളത്.വടകര ആസ്ഥാനമായി പ്രവർത്തിക്കുന്ന ഊരാളുങ്കൽ സൊസൈറ്റിയെ 2019-ൽ ഇന്റർനാഷണൽ കോപ്പറേറ്റീവ് അലയൻസ് അംഗത്വം നൽകി ആദരിച്ചിരുന്നു. ആ ആഗോള സമിതിയിൽ അംഗത്വം ലഭിച്ചിട്ടുള്ള ഏക പ്രാഥമീക സഹകരണ സംഘമായ  ഊരാളുങ്കൽ സൊസൈറ്റിയെ മാതൃകാ സഹകരണ സംഘമായി പ്രഖ്യാപിച്ച് യുനെസ്‌കോ ഡോക്യുമെന്റ് ചെയ്തിട്ടുമുണ്ട് .