സഹകരണ വകുപ്പ് " കെയർ ഹോം പദ്ധതി " മുഖ്യമന്ത്രി ഉദ്ഘാടനം ചെയ്തു
സഹകരണ വകുപ്പ് കെയർ ഹോം രണ്ടാം ഘട്ടത്തിൽ പൂർത്തിയാക്കിയ ആദ്യത്തെ ഭവന
സമുച്ചയം മുഖ്യമന്ത്രി പിണറായി വിജയൻ ഓൺലൈനിലൂടെ ഉദ്ഘാടനം ചെയ്തു.സഹകരണ
വകുപ്പ് മന്ത്രി വി .എൻ .വാസവൻ അധ്യക്ഷത വഹിച്ചു.ജനകീയ മുഖമുള്ള സഹകരണ
മേഖലയെ തകർക്കാനുള്ള ശ്രമങ്ങൾ കേരളത്തോടുള്ള വെല്ലുവിളിയാണെന്ന്
മുഖ്യമന്ത്രി പറഞ്ഞു .സഹകരണ മേഖല ഏറ്റവും ശക്തമായി പ്രവർത്തിക്കുന്നത്
കേരളത്തിലാണ് ,ഇതിനു ജനം മറുപടി നൽകുമെന്നും പിണറായി വിജയൻ
കൂട്ടിച്ചേർത്തു.
സഹകരണ വകുപ്പ് നിർമ്മിച്ച 40 കെയർ ഹോമുകൾ ഗുണഭോക്താക്കൾക്ക് കൈമാറി.
കേരളത്തിൻ്റെ
സാമൂഹിക-സാമ്പത്തിക സുരക്ഷിതത്വത്തിനു സഹകരണ പ്രസ്ഥാനങ്ങൾ എത്രമാത്രം
അനിവാര്യമാണെന്ന യാഥാർത്ഥ്യത്തിന് അടിവരയിടുന്ന ഈ പദ്ധതിയുടെ ഭാഗമായി തൃശൂർ ജില്ലയിലെ പഴയന്നൂരിലാണ് കെയർ ഹോമുകൾ നിർമ്മിച്ചിരിക്കുന്നത്. 2 നിലകളുള്ള പത്ത് ബ്ലോക്കുകൾ ഉൾപ്പെടുന്ന ഈ ഭവനസമുച്ചയത്തോടൊപ്പം കുട്ടികൾക്കുള്ള കളിസ്ഥലം, അംഗനവാടി, കമ്മ്യൂണിറ്റി ഹാൾ , വായനശാല, മാലിന്യസംസ്ക്കരണ കേന്ദ്രം, പാർക്കിംഗ് ഏരിയ, പൂന്തോട്ടം എന്നിവയും നിർമ്മിച്ചിട്ടുണ്ട്.
മന്ത്രിമാരായ കെ .രാധാകൃഷ്ണൻ, കെ രാജൻ ,കടകംപള്ളി സുരേന്ദ്രൻ എം .എൽ .എ,
സഹകരണ വകുപ്പ് സെക്രട്ടറി മിനി ആന്റണി,കളക്ടർ ഹരിത.വി
.കുമാർ,ജില്ലാപഞ്ചായത്ത് പ്രസിഡൻറ് പി .കെ ഡേവിസ് തുടങ്ങി സാമൂഹ്യ
സാംസ്കാരിക രംഗത്തെ പ്രമുഖർ പരിപാടിയിൽ പങ്കെടുത്തു.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment