പ്ലാസ്റ്റിക്കിന്റെ ഉപയോഗം മനുഷ്യർക്കു ദോഷകരമാന്നെന്നുള്ള ബോധം നമ്മളിൽ വേരൂന്നിക്കഴിഞ്ഞ ഒരു സമയമാണിത് .പ്ലാസ്റ്റിക്കിനെ പൂർണ്ണമായും നിരോധിക്കുക പ്രയോഗികമല്ലെങ്കിലും ദൈനം ദിന ജീവിതത്തിലെ നിത്യോപയോഗ വസ്തുക്കളായി സ്ഥാനം പിടിച്ച പ്ലാസ്റ്റിക്കുകൾ വൈകാതെ പടിക്കു പുറത്താകും എന്നതിൽ സംശയമില്ല .അത്തരത്തിൽ ഉള്ള വസ്തുക്കളിൽ ഏറ്റവും മുൻപന്തിയിലുള്ളതാണ് പ്ലാസ്റ്റിക് സഞ്ചികൾ ആണ്  . ഇതിനു ബദലായി നമ്മുടെ നാട്ടിൽ തുണി സഞ്ചികൾ പ്രചാരത്തിൽ വരുത്തുവാനായി പല കോണുകളിൽ നിന്നും പലരീതിയിൽ പ്രവർത്തനം നടക്കുന്നുണ്ട് എന്നത് നമുക്കറിയാം  . തൃശൂർ കേന്ദ്രീകരിച്ചു സഹകരണ മേഖലയിൽ സജീവമായി  പ്രവർത്തിച്ചു കൊണ്ടിരിക്കുന്ന ടീം കോ -ഓപ്പറേറ്റീവും സഹകരണരംഗം ന്യൂസ് പോർട്ടലും പരിസ്ഥിതി സൗഹാർദ സന്ദേശവുമായി  ഈ വലിയ ലക്ഷ്യത്തിനു വേണ്ടി   പ്രവർത്തനം ആരംഭിച്ചു കഴിഞ്ഞു.

തുണിസഞ്ചി ,പേപ്പർ ബാഗ് നിർമ്മാണ യൂണിറ്റുകൾ സഹകരണ ബാങ്കുകളുടെ പങ്കാളിത്തത്തോടെ ആരംഭിക്കുവാനുള്ള വിവിധ  പദ്ധതികൾ ആവിഷ്ക്കരിച്ചു  കൊണ്ടിരിക്കുകയാണ് .ഇത്തരം തുണിസഞ്ചി,പേപ്പർ ബാഗ്  യൂണിറ്റുകൾ ആരംഭിക്കുന്നതോടെ   സമൂഹത്തിൽ വലിയൊരു മാറ്റം സാധ്യമാകുന്നതിനൊപ്പം നിരവധി പേർക്ക് തൊഴിൽ ലഭിക്കും.

പല വലുപ്പത്തിൽ ,പല അളവിൽ ,പല നിറത്തിൽ ആകർഷകമായ വിവിധ ഡിസൈനുകളിൽ ഇവ ലഭ്യമാണ് .