കോഴിക്കോട് : ചെക്യാട് സർവീസ് സഹകരണ ബാങ്കിന്റെ നാലാമത് ശാഖ കുറുവന്തേരി ആബൂന്റെ പറമ്പിൽ സഹകരണ വകുപ്പ മന്ത്രി വി .എൻ .വാസവൻ ഉദ്‌ഘാടനം ചെയ്തു .ബാങ്കിങ്ങ് റെഗുലേറ്ററി നിയമം പ്രാഥമീക സഹകരണ മേഖല തകർക്കാനുള്ള  കടന്നുകയറ്റമാണെന്നും ഇതിനെതിരെ നിയമ യുദ്ധവും സഹകാരികളുടെ പ്രതിഷേധവും ഉയർന്നുവരണമെന്നും മന്ത്രി പറഞ്ഞു .ഇ .കെ വിജയൻ എം .എൽ .എ അധ്യക്ഷനായി .ബാങ്ക് സെക്രട്ടറി കെ .ഷാനിഷ് റിപ്പോർട്ട് അവതരിപ്പിച്ചു .ആദ്യ നിക്ഷേപം കോഴിക്കോട് എ .ആർ പ്ലാനിങ് ഓഫീസർ ടി .ജയരാജനും ഭവന വായ്പാ പദ്ധതി വടകര എ ആർ ജനറൽ ടി .സുധീഷും ,ബാങ്ക് വെബ്സൈറ്റ് ബ്ലോക്ക് പഞ്ചായത്ത് പ്രസിഡൻറ് കെ.പി വനജയും ഉദ്‌ഘാടനം ചെയ്തു.സാമൂഹിക പെൻഷൻ വിതരണം ചെയ്യുന്ന ജീവനക്കാരെ പഞ്ചായത്ത് പ്രസിഡൻറ് നസീമ കൊട്ടാരത്തിൽ ആദരിച്ചു.വളയം പഞ്ചായത്ത് പ്രസിഡൻറ് കെ .പി പ്രദീഷ് ഡോക്യുമെന്ററി പ്രകാശനം നിർവഹിച്ചു.ബാങ്ക് മുൻ പ്രസിഡണ്ടുമാരെ പുറമേരി ബാങ്ക് പ്രസിഡൻറ് വി .പി കുഞ്ഞികൃഷ്ണൻ ആദരിച്ചു.ജില്ലാ പഞ്ചായത്ത് അംഗം ബാങ്ക് പ്രസിഡണ്ട് എം .കുഞ്ഞിരാമൻ സ്വാഗതവും പി .കെ .സിൻസിൽ നന്ദിയും പറഞ്ഞു.