പാലക്കാട്‌ :കേരള കോ. ഓപ്പറേറ്റീവ് എംപ്ലോയീസ് ഫ്രണ്ട് 33-മത്  സംസ്ഥാന സമ്മേളനത്തിന്റെ സ്വാഗത സംഘം രൂപീകരണ യോഗം  നടന്നു.
      ഡി. സി. സി. പ്രസിഡന്റ് എ. തങ്കപ്പൻ ഉദ്‌ഘാടനം ചെയ്തു.
    കെ. സി. ഇ. എഫ്. സംസ്ഥാന പ്രസിഡന്റ് ജോഷ്വാ മാത്യു അധ്യക്ഷത വഹിച്ചു. 
    സമ്മേളനം ഡിസംബർ 17,18,19  തിയതികളിലായി പാലക്കാട്‌ നടക്കും . ഡിസംബർ 17ന് വൈകുന്നേരം 4മണിക്ക് പാലക്കാട്‌ നഗരംചുറ്റിയുള്ള വിളമ്പര ഘോഷയാത്ര ഉണ്ടാകും. 18ന് നടക്കുന്ന സഹകരണ സെമിനാർ  രമേശ് ചെന്നിത്തല ഉദ്ഘാടനം ചെയ്യും.19ന് സമ്മേളനം കെ. പി. സി. സി. പ്രസിഡന്റ് കെ. സുധാകരൻ എം. പി. ഉദ്ഘാടനം ചെയ്യും. പിന്നീടുനടക്കുന്ന വനിതാ സമ്മേളനം, പ്രതിനിധി സമ്മേളനം, യാത്രയയപ്പ് സമ്മേളനം തുടങ്ങിയ പരിപാടികൾ  മുൻ മുഖ്യ മന്ത്രി ഉമ്മൻ ചാണ്ടി, പ്രതിപക്ഷനേതാവ് വി. ഡി. സതീശൻ എന്നിവർ ഉദ്ഘാടനം ചെയ്യും.