യുവജന സഹകരണ സംഘങ്ങളുടെ പ്രമോട്ടര്മാര്ക്കുള്ള ശില്പ്പശാല വി .എൻ വാസവൻ ഉദ്ഘാടനം ചെയ്തു
യുവജന സഹകരണ സംഘങ്ങളുടെ പ്രമോട്ടര്മാര്ക്ക് ഇന്സ്റ്റിറ്റ്യൂട്ട് ഓഫ് കോ ഓപ്പറേറ്റീവ് മാനെജ്മെന്റ് (ഐസിഎം) സംഘടിപ്പിക്കുന്ന മൂന്ന് ദിവസത്തെ ശില്പ്പശാല സഹകരണ മന്ത്രി വി .എൻ വാസവൻ ഉദ്ഘാടനം ചെയ്തു . രജിസ്റ്റര് ചെയ്ത 29 സംഘങ്ങളില് നിന്നും 87 പ്രമോട്ടര്മാരാണ് മൂന്ന് ദിവസത്തെ ശില്പ്പശാലയില് പങ്കെടുക്കുന്നത്. സഹകരണ സംഘങ്ങള് രജിസ്റ്റര് ചെയ്യാന് യുവജനങ്ങള് ആവേശത്തോടെ രംഗത്തു വന്നപ്പോള് തന്നെ അവര്ക്ക് സഹകരണ സംഘം നടത്തിപ്പിനെ കുറിച്ച് വ്യക്തമായ ധാരണയുണ്ടാകാന് ആവശ്യമായ പരിശീലനം നല്കണമെന്ന് മന്ത്രി പറഞ്ഞു .
സംസ്ഥാനത്തെ യുവജന സഹകരണ സംഘങ്ങള് അര്പ്പണ ബോധത്തോടെ പ്രവര്ത്തിച്ചാല് ലോകത്തിനു തന്നെ മാതൃകയാകും. മികച്ച ആശയങ്ങളോടെയാണ് യുവജന സഹകരണ സംഘങ്ങള് രംഗത്തു വന്നത്. പ്രവര്ത്തനങ്ങളില് കാര്യമായ ഊര്ജ്ജസ്വലതയും കാണുന്നുണ്ട്. പ്രത്യാശാ കിരണങ്ങള് ഉയര്ത്തി പുതിയ ദിശാബോധം പകരാന് ഊര്ജ്ജസ്വലമായി പ്രവര്ത്തിക്കാന് യുവാക്കള്ക്ക് കഴിയും. യുവജനങ്ങളെ ഈ സമയത്ത് വഴിതിരിച്ചുവിട്ടാല് വലിയ ദുരന്തങ്ങളുണ്ടാകും. യുവജനങ്ങള്ക്ക് ദിശാബോധം പകര്ന്ന് പുതിയ ചിന്താധാരയും പകര്ന്നു നല്കിയാല് സമൂഹത്തിന് പ്രയോജനപ്രദമായ രംഗത്ത് ഉപയോഗിക്കാന് കഴിയും എന്നും മന്ത്രി പറഞ്ഞു
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment