സഹകരണ വാരാഘോഷം സംഘാടക സമിതി രൂപീകരിച്ചു
സഹകരണ വാരാഘോഷം സംഘാടക സമിതി രൂപീകരിച്ചു 
സഹകരണ വകുപ്പ് മന്ത്രി വി .എൻ വാസവന്റെ അധ്യക്ഷതയിലാണ് യോഗം നടന്നത്. വി .എൻ വാസവൻ മുഖ്യ രക്ഷാധികാരിയായും സഹകരണ യൂണിയൻ ചെയർമാൻ കോലിയക്കോട് കൃഷ്ണൻ നായർ ചെയർമാനുമായ 110 പേരടങ്ങുന്ന സംഘാടക സമിതിയാണ് സഹകരണ വാരാഘോഷത്തിനായി രൂപീകരിച്ചത്.
മന്ത്രിമാർ ,എം .എൽ .എ മാർ ,എം .പി മാർ തുടങ്ങിയ ജനപ്രതിനിധികളും പോലീസ് കമ്മീഷ്ണർ തുടങ്ങിയ ഉദ്യോഗസ്ഥരും രക്ഷാധികാരികളാണ്.
"സഹകരണ മേഖലയുടെ വളർച്ചയ്ക്ക് ആവശ്യമായ വിപുലവും വിശാലവുമായ ചർച്ചകൾ വാരോഘോഷത്തിൽ സജീവമായുണ്ടാകണമെന്ന്" മന്ത്രി പറഞ്ഞു. ഇതിനായി സഹകാരികൾ ഒറ്റക്കെട്ടായി നീങ്ങണം , ഈ മേഖല സ്വാഭാവികമായും കാലാനുസൃത മാറ്റങ്ങൾക്ക് നിർബന്ധിതമായിരിക്കുകയാണ്. രണ്ട് പതിറ്റാണ്ട് മുമ്പ് രൂപം കൊണ്ട നിയമങ്ങളും ചട്ടങ്ങളും ഇന്ന് അപര്യാപ്തമാണ്. നിയമത്തിൽ മാറ്റം വരുത്തി കാലോചിതമായ പരിഷ്കാരങ്ങൾ നടപ്പിലാക്കുമെന്നും മന്ത്രി സൂചിപ്പിച്ചു. നവംബർ 14 മുതൽ 20 വരെയാണ് സഹകരണ വാരാഘോഷം നടക്കുക. തിരുവനന്തപുരത്ത് ഉദ്ഘാടനവും കോഴിക്കോട് സമാപന സമ്മേളനവും എന്ന രീതിയിലാണ് പരിപാടികൾ തീരുമാനിച്ചിരിക്കുന്നത്. .
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment