റബ്ബർ കർഷകർക്ക് ആശ്വാസവുമായി എത്തുന്നു കേരള റബ്ബർ ലിമിറ്റഡ്
റബ്ബർ അധിഷ്ഠിത മൂല്യവര്ധിത ഉല്പന്നങ്ങൾ പുറത്തിറക്കുക എന്ന ലക്ഷ്യത്തോടെ സംസ്ഥാന സര്ക്കാർ രൂപം നല്കിയ കേരള റബ്ബർ ലിമിറ്റഡ് ഉടനെ പ്രവർ ത്തനമാരംഭിക്കും. സംസ്ഥാന വ്യവസായ വകുപ്പിന്റെ ഈ പുതിയ സംരംഭം റബ്ബർ കര്ഷകർക്ക് വമ്പിച്ച സാധ്യതകൾ തുറക്കുന്നതാണ്.കേരളത്തിലെ റബർ കർഷകരെ സംബന്ധിച്ചടത്തോളം വളരെ ആശ്വാസകരമാണ് ഈ വാർത്ത. കേന്ദ്രസര്ക്കാർ വില്പനയ്ക്ക് വച്ച പൊതുമേഖലാ സ്ഥാപനമായ "എച്ച്എന്എല്" കേരള സർക്കാർ ഏറ്റെടുത്ത ശേഷം അവിടെ ഉപയോഗിക്കാതെ കിടക്കുന്ന സ്ഥലത്താണ് കേരള റബ്ബർ ലിമിറ്റഡിന്റെ പുതിയ സംരംഭങ്ങൾ എത്തുമെന്ന് മുഖ്യമന്ത്രി തന്നെ നേരത്തെ പ്രഖ്യാപിച്ചിട്ടുണ്ട്.
യുവജനങ്ങൾക്കും യുവ സംരംഭകർക്കും ഏറെ ആഹ്ലാദം നൽകുന്ന കാരുണ്യമാണിത് . ഏറെ നാളുകളായി കേരളത്തിലെ റബർ കര്ഷകര് കാത്തിരുന്ന സ്വപ്നമാണ് യാഥാര്ഥ്യമാവുന്നത്. റബർ ഉല്പാദിപ്പിക്കുമ്പോഴും അത് വാങ്ങാന് ആളില്ലാത്ത അവസ്ഥയായിരുന്നു കര്ഷകരെ അലട്ടിയിരുന്നത്. സര്ക്കാർ സഹായങ്ങൾ ഏറെ പ്രഖ്യാപിച്ചിട്ടും പ്രമുഖ കമ്പനികൾ വിപണിയിൽ നിന്ന് വിട്ട് നിന്നത് കര്ഷകരെ അലട്ടിയിരുന്നു. സ്വന്തം നാട്ടിൽ തന്നെ കൂടുതൽ സംരംഭങ്ങൾ എത്തുന്നതോടെ കര്ഷകർക്ക് വന്കിട കമ്പനികൾക്ക് മുന്നിൽ മുട്ടുമടക്കി നില്ക്കേണ്ട സാഹചര്യം ഉണ്ടാവുകയില്ല എന്നതാണ് ഏറ്റവും പ്രധാനം.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment