100 ദിന കർമ്മ പദ്ധതികൾ കാലവുധിക്കു മുൻപേ "സഹകരണ വകുപ്പ്' പൂർത്തിയാക്കിയതായി : മന്ത്രി വി .എൻ .വാസവൻ
രണ്ടാം പിണറായി മുന്നണി സര്ക്കാരിന്റെ ആദ്യ നൂറുദിന കര്മ്മപരിപാടിയിലെ പ്രഖ്യാപനങ്ങൾ പൂർത്തിയാക്കിയതായി സഹകരണ വകുപ്പ്. അഞ്ച് പദ്ധതികളാണ് പ്രഖ്യാപിച്ചിരുന്നത്. മുഴുവന് പദ്ധതികളും നൂറു ദിനങ്ങൾ പൂർത്തിയാകുന്നതിനു മുമ്പു തന്നെ സജ്ജമാക്കാൻ സഹകരണ വകുപ്പിനു കഴിഞ്ഞുവെന്ന് മന്ത്രി വി .എൻ .വാസവൻ പറഞ്ഞു . പ്രഖ്യാപിച്ച തൊഴിൽ അവസരങ്ങളും സഹകരണ വകുപ്പ് ലഭ്യമാക്കി. കർമ്മപദ്ധതിയുടെ പ്രഖ്യാപിത കാലാവധിയിൽ മൂന്നാഴ്ച ശേഷിക്കെയാണ് പദ്ധതി പൂർത്തീകരണവുമായി സഹകരണ വകുപ്പ് നേട്ടമുണ്ടാക്കുന്നത്.
തൃശ്ശൂർ ജില്ലയിലൽ പഴയന്നൂരിൽ ഭൂരഹിത ഭവന രഹിതർക്കായി 40 ഫ്ളാറ്റുകളുള്ള ഭവന പദ്ധതി (കെയർ ഹോം) 100 ദിന കര്മ്മ പദ്ധതിയുടെ പ്രഖ്യാപനങ്ങളില് പ്രധാനപ്പെട്ടതായിരുന്നു. പദ്ധതി പൂര്ത്തീകരിച്ചു കഴിഞ്ഞു. സഹകരണ വകുപ്പിന്റെ തനതു ഫണ്ടിൽ നിന്നാണ് പദ്ധതി നടപ്പിലാക്കിയത്. സെപ്റ്റംബർ മാസം അർഹരായവർക്ക് താക്കോൽ കൈമാറും.
നിർദ്ധനരായ വിദ്യാര്ത്ഥികൾക്ക് സ്മാര്ട്ട് ഫോണ് വാങ്ങുന്നതിന് 10000 രൂപ വരെ പലിശ രഹിത വായ്പ നല്കുന്ന പദ്ധതി. എല്ലാ സഹകരണ സംഘങ്ങളും പദ്ധതി നടപ്പിലാക്കി. പരമാവധി അഞ്ച് ലക്ഷം രൂപയായിരുന്നു ഓരോ സഹകരണ സംഘങ്ങള് വായ്പ നല്കണമെന്ന് നിശ്ചയിച്ചിരുന്നത്. നൂറു ശതമാനവും പൂര്ത്തിയാക്കാന് കഴിഞ്ഞു.
10 വനിതാ സഹകരണ സംഘങ്ങൾക്ക് കോവിഡ് പ്രതിരോധ സാമഗ്രികളുടെ നിർമ്മാണത്തിന് അഞ്ചു ലക്ഷം രൂപ നല്കി സംരംഭകത്വം തുടങ്ങുമെന്ന പ്രഖ്യാപനവും പൂർത്തിയാക്കി ഉദ്ഘാടനം ചെയ്തു. യുവജന സഹകരണ സംഘങ്ങൾ ആരംഭിക്കുമെന്ന പ്രഖ്യാപനവും നടപ്പിലാകുകയാണ്.
25 യുവ ജനസഹകരണ സംഘങ്ങൾ രജിസ്ട്രേഷന്
നടപടികൾ പൂര്ത്തിയാക്കി, സെപ്റ്റംബർ ആറിന് മുഖ്യമന്ത്രി ഉദ്ഘാടനം ചെയ്യും.
കുട്ടനാട്, അപ്പർ കുട്ടനാട് ആസ്ഥാനമാക്കി നെല്ല് സംഭരണ, സംസ്കരണ വിപണന സഹകരണ സംഘം രജിസ്റ്റര് ചെയ്ത് 2 ആധുനിക റൈസ് മില്ലുകള് ആരംഭിക്കുമെന്ന പ്രഖ്യാപനവും നടപ്പിലാകുകയാണ്. അവസാന ഘട്ട പ്രവര്ത്തനങ്ങള് നടന്നു വരുന്നു.സെപ്റ്റംബറില് നൂറു ദിന കർമ്മ പദ്ധതിയുടെ കാലാവധി അവസാനിക്കുന്നതിനു മുമ്പു തന്നെ പ്രവര്ത്തനം ആരംഭിക്കും. ഒഴിവുള്ള 21 തസ്തികളിലേയ്ക്ക് സ്ഥിരം നിയമനം നടത്തുമെന്നും പ്രഖ്യപിച്ചിരുന്നു. വിവിധ ജില്ലകളിലായി 21 തസ്തികളില് സ്ഥിരം നിയമനം നടത്തി കഴിഞ്ഞു. സംരംഭകത്വ മേഖലയില് 10,000 തൊഴിലാണ് സഹകരണ വകുപ്പ് പ്രഖ്യാപിച്ചിരുന്നത്. ഇതില് 9524 തൊഴില് ലഭ്യമാക്കി കഴിഞ്ഞു. ശേഷിക്കുന്നവ മൂന്നാഴ്ചയ്ക്കുള്ളില് നല്കുന്നതിനുള്ള നടപടികള് പൂര്ത്തിയാക്കി
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment