ഇന്ത്യക്ക് സ്വാതന്ത്ര്യം ലഭിച്ച വർഷമാണ് കൊരട്ടി സർവീസ് സഹകരണ ബാങ്ക് രൂപീകൃതമായത്.കൃത്യമായി പറഞ്ഞാൽ 1947 ഫെബ്രുവരി 6 ന് .കൊരട്ടിയുടെ വികസനത്തിൽ പങ്കാളിയാവുകയും നാടിനൊപ്പം വളർന്നു പ്രദേശത്തിന്റെ ഹൃദയത്തുടിപ്പായി മാറുകയും ചെയ്ത ബാങ്കിന്റെ വൈവിധ്യവൽക്കരണവും പ്രവർത്തനങ്ങളിലെ സുതാര്യതയുമാണ്,  ക്‌ളാസ് വൺ സൂപ്പർ ഗ്രേഡീൽ പ്രവർത്തിക്കുന്ന    കൊരട്ടി സർവീസ് സഹകരണ ബാങ്കിനെ കൂടുതൽ ജനകീയമാക്കിയത്.

കൊരട്ടി കേന്ദ്രമായുള്ള ബാങ്കിന് ഹെഡ് ഓഫീസിലെ മെയിൻ ബ്രാഞ്ചിന് പുറമെ വാലുങ്ങാമുറിയിലും ,റെയിൽവേ സ്റ്റേഷനിലും ,ചിറങ്ങരയിലും ആറ്റപ്പാടത്തും ബ്രാഞ്ചുകളുണ്ട് .

ബാങ്കിന് 22,348 അംഗങ്ങളുണ്ട്.ഒരു ധനകാര്യ സ്ഥാപനമെന്ന നിലയിൽ വായ്‌പ നൽകുന്നതോടൊപ്പം ബാങ്കിങ് ഇതര പ്രവർത്തനങ്ങളിലും അംഗങ്ങളുടെ ക്ഷേമ പ്രവര്ത്തനങ്ങളിലും ബാങ്ക് മാനേജ്മെൻറ് പ്രഥമ പരിഗണന നൽകുന്നു .ബാങ്കിന്റെ നേതൃത്വത്തിൽ 3 നീതി മെഡിക്കൽ സ്റ്റോഴ്സ് പ്രവർത്തിച്ചു വരുന്നുണ്ട് .ഇവിടെ ഇപ്പോൾ മരുന്നുകൾക്ക്കുറഞ്ഞത് 15 % കിഴിവ് നൽകി വരുന്നുണ്ട് .ഇൻസുലിൻ മരുന്നുകൾക്ക് 19 % കിഴിവ് നൽകുന്നുണ്ട് .നീതി ലാബിലും നീതി ഒപ്ടിക്കൽസിലും വലിയ കിഴിവ് നൽകിയിട്ടും ലാഭകരമായാണ് പ്രവർത്തിച്ചു വരുന്നത് .നിലവിലെ ഇ .സി .ജി ക്കു പുറമെ അൾട്രാ സൗണ്ട് സ്കാനിങ് സെന്റർ ആരംഭിക്കുന്നതിനുള്ള പണികൾ ആരംഭിച്ചിട്ടുണ്ട് .

നീതി ലാബിൽ വരുന്നവർക്ക് സൗജന്യ പ്രഭാത ഭക്ഷണം നൽകുന്ന പരിപാടി വിജയകരമായി തുടർന്നു വരുന്നു. കൂടാതെ ശുദ്ധീകരിച്ച കുടിവെള്ളം പൊതുജനങ്ങൾക്ക് നൽകുന്ന പദ്ധതിയുമുണ്ട്.

ബാങ്ക് 2017 ൽ "10 കെ. വി യുടെ സോളാർ പവർ പ്ലാന്റ്" റെയിൽവേ സ്റ്റേഷൻ 

ബ്രാഞ്ചിൽ ആരംഭിച്ചിരുന്നു. ഇപ്പോൾ "20 കെ. വി. സോളാർ പ്രൊജക്ട്" ഹെഡ് ഓഫീസിൽ പണി ആരംഭിച്ചിട്ടുണ്ട്.

ജൈവ പച്ചക്കറി കൃഷി പ്രോത്സാഹിപ്പിക്കുന്നതിനുള്ള സ്വാശ്രയ കർഷക സംഘങ്ങൾ ,കർഷകരുടെ കൂട്ടായ്മകൾ ,ക്ലസ്റ്ററുകൾ തുടങ്ങിയവക്ക് 50,000 രൂപ വരെ പലിശരഹിത വായ്‌പകൾ നൽകിവരുന്നുണ്ട് .ബാങ്കിന്റെ കാർഷിക മേഖലയിലെ സജീവമായ ഇടപെടലിന്റെ ഉദാത്തമായ ഉദാഹരണമാണിത്, ഹെഡ് ഓഫീസിൽ ഇ .എസ് .ഐ ഡിസ്പെൻസറി ,കാലിക്കറ്റ് യൂണിവേഴ്സിറ്റി കോ -ഓപ്പറേറ്റീവ് സ്റ്റോർ എന്നിവയെല്ലാം പ്രവർത്തിക്കുന്നുണ്ട് .സർക്കാർ നിത്യോപയോഗ സാധനങ്ങൾ പൊതുജനങ്ങൾക്ക്കുറഞ്ഞ വിലക്ക് നല്കാൻ വേണ്ടി നടത്തുന്ന എല്ലാ കൺസ്യുമർ ചന്തകളും ബാങ്ക് ഏറ്റെടുത്ത് നടത്തി വരുന്നു .

കൂടാതെ സ്കൂൾ ചന്ത ,ഹൈബ്രീഡ് തൈകൾ ,ഹാച്ചറി ,എന്നിവ ലഭ്യമാക്കുന്ന ഞാറ്റുവേല ചന്തയും ബാങ്ക് അതാതു കാലത്തു നടത്തി വരാറുണ്ട് .ബാങ്കിന്റെ " കാരുണ്യ സ്പർശം' ചികിത്സ സഹായ നിധി പ്രകാരം അംഗങ്ങൾക്ക് സഹായം നൽകാറുമുണ്ട് .കെ .പി തോമസ് പ്രസിഡണ്ടും ,എം .കെ സുഭാഷ് വൈസ് പ്രസിഡന്റുമാണ്.ബിന്ദു ബാബു ,സലോമ സാൻണ്ടർ ,പി .സി .ബിജു ,അഡ്വ .കെ .എ ജോജി ,പി .എ രാമകൃഷ്ണൻ,ഉമേഷ് കുമാർ ഐ .ജി ,നളിനി ഗോപിനാഥ് ,രമ്യ വി .എം . സി .ആർ .സോമശേഖരൻ ,ടി .കെ .സദാനന്ദൻ ,എം .കെ .സുരേഷ് എന്നിവർ  അംഗങ്ങളായ ഭരണ സമിതിയുടെ നേതൃത്വത്തിൽ ബാങ്കിന്റെ വളർച്ചക്കും  ജനസമ്മതിക്കും ഉതകുന്ന പ്രവർത്തനമാണ് കാഴ്ചവെക്കുന്നത്  .എൻ .ജി സനിൽകുമാറാണ് സെക്രട്ടറി .