സഹകരണ മേഖലക്ക് കരുത്തായി "സഹകരണരംഗം ന്യൂസ് ക്യാമ്പയിൻ"
പ്രിയ സഹകാരികളെ, കരുവന്നൂർ വിഷയത്തെ ആയുധമാക്കി സഹകരണ മേഖലക്ക് നേരെ കരിവാരി തേക്കുന്നതും ആക്ഷേപങ്ങൾ ചൊരിയുന്നതുമായ കാഴ്ച്ചകൾ അടുത്ത ദിവസങ്ങളിൽ നമ്മൾ കണ്ടതാണല്ലോ .
സഹകരണ മേഖലയിലെ ഒറ്റപ്പെട്ട ക്രമക്കേടുകളെ നമ്മൾ എതിർക്കുന്നു, അതിനെതിരെ ശക്തമായ നടപടിയുവേണം. അതോടൊപ്പം
"സഹകരണ മേഖല" കേരളത്തിന് എന്തെല്ലാം സംഭാവനകളാണ് നൽകിയത് എന്നും ,കേരളത്തിന്റെ വികസനത്തിൽ സഹകരണ പ്രസ്ഥാനത്തിന്റെ സ്ഥാനം എവിടെയാണെന്നതും ചരിത്രമാണ് ഒപ്പം അത് പകൽപോലെ സത്യവുമാണ് .ഇതൊന്നും കാണാതെ ഒരു വിഭാഗം സഹകരണ മേഖലയെ അടച്ചാക്ഷേപിക്കുന്ന രീതി ഒട്ടും ശരിയല്ല.
ഇതിന്റെ പേരിൽ സഹകരണ പ്രസ്ഥാനത്തിന് ഒന്നും സംഭവില്ലെന്നും നമുക്ക് ഉത്തമ ബോധ്യമുള്ളതാണ് ..ഈ സാഹചര്യത്തിൽ " സഹകരണ രംഗം ന്യൂസും ,ടീം കോ -ഓപ്പറേറ്റീവും ചേർന്ന് വിപുലമായ ഒരു കാംപെയിന് തുടക്കമിടുകയാണ്. പോസ്റ്ററുകളായും ,വിഡിയോകളായും ,വിദഗ്ദരുമായുള്ള സംവാദങ്ങളായും ,കൂട്ടായ ചർച്ചകളായും സോഷ്യൽ മീഡിയയിലെ വിവിധ പ്ലാറ്റ്ഫോമുകളിലൂടെ ഞങ്ങൾ എത്തുകയാണ് . നിങ്ങളുടെ പരിപൂർണ്ണമായ ,ഉപദേശ നിർദ്ദേശങ്ങളും ,പങ്കാളിത്തവും പരിപാടിയിലുടനീളം ഞങ്ങൾ പ്രതീക്ഷിക്കുന്നു .
സഹകരണ മേഖലക്ക് നേരെയുള്ള കള്ള പ്രചരണങ്ങൾക്കും ,ആക്ഷേപങ്ങൾക്കുമെതിരെയുള്ള പോരാട്ടത്തിൽ ഞങ്ങളും എന്നും നിങ്ങളോടൊപ്പമുണ്ട് .
സ്നേഹപൂർവ്വം
മധു ചെമ്പേരി,
മാനേജിങ് എഡിറ്റർ,
സഹകരണരംഗം ന്യൂസ്
9496908426
830045026
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment