മണ്ണാർക്കാട് റൂറൽ സഹകരണ ബാങ്ക് ആരംഭിച്ച കോവിഡ് 19 RTPCR ലാബിന്റെ ഉദ്ഘാടനം മന്ത്രി വി .എൻ വാസവൻ നിർവ്വഹിച്ചു
പാലക്കാട് മണ്ണാർക്കാട് റൂറൽ സർവ്വീസ് സഹകരണ ബാങ്ക് ആരംഭിച്ച കോവിഡ് 19 RTPCR ലാബിന്റെ ഉദ്ഘാടനം സഹകരണവകുപ്പ് മന്ത്രി വി .എൻ വാസവൻ നിർവ്വഹിച്ചു.
മണ്ണാർക്കാട് റൂറൽ സർവ്വീസ് സഹകരണ ബാങ്ക് മഹാമാരിയുടെ പ്രയാസകരമായ കാലഘട്ടത്തിൽ പൊതു സമൂഹത്തിന് ഏറെ പ്രയോജനകരമാകുന്ന കോവിഡ് 19 RTPCR പരിശോധനക്ക് സ്വന്തമായി ഒരു ലാബ് സജ്ജമാക്കിയിരിക്കുന്നു എന്നത് ഏറെ അഭിമാനമർഹിക്കുന്ന കാര്യമാണെന്ന് മന്ത്രി പറഞ്ഞു .എല്ലാ വിധ അധുനിക സംവിധാനങ്ങളും ഉളള ഈ ബാങ്കിൽ ഓർഗാനിക് ഷോപ്പ്, നീതി സ്റ്റോർ , നീതി മെഡിക്കൽ സെന്റർ, ഫിസിയോ തെറാപ്പി, സെന്റൽ ക്ലിനിക്ക് , ഡയാലിസിസ് സെന്റർ തുടങ്ങി ആതുര ശുശ്രൂഷാ രംഗത്തും , പൊതു വിതരണ രംഗത്തും നടത്തുന്ന ശ്രദ്ധേയമായ പ്രവർത്തനങ്ങൾ അഭിനന്ദനാർഹമാണെന്നും മന്ത്രി കൂട്ടിച്ചേർത്തു .മുൻ എം .എൽ .എ പി .കെ ശശി ശിലാഫലകം അനാച്ഛാദനം ചെയ്തു .സഹകരണ വകുപ്പ് സെക്രട്ടറി മിനി ആന്റണി ഐ എ എസ് ,സഹകരണ സംഘം രജിസ്ട്രാർ പി .ബി നൂഹ് ഐ എ എസ് ,മണ്ണാർക്കാട് നഗരസഭ ചെയർമാൻ സി .മുഹമ്മദ് ബഷീർ ,തെങ്കര ഗ്രാമ പഞ്ചായത്ത് പ്രസിഡന്റ് എ .ഷൗക്കത്തലി ബാങ്ക് പ്രസിഡന്റ് അഡ്വ .കെ .സുരേഷ് ,സെക്രട്ടറി എം .പുരുഷോത്തമൻ ഭരണസമിതി അംഗങ്ങൾ എന്നിവർ പരിപാടിയിൽ പങ്കെടുത്തു .
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment