ഓൺലൈനിൽ പണമടച്ചാൽ ഇനി പച്ചക്കറി വിത്തും വീട്ടിലെത്തും. കേന്ദ്ര സർക്കാർ സ്ഥാപനമായ ബാംഗ്ളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഹോർട്ടികൾച്ചറൽ  റിസർച്ചിൽ നിന്നാണു കൃഷിക്കാവശ്യമായ വിത്തുകൾ സ്പീഡ് പോസ്റ്റ്‌ വഴി വീട്ടിലെത്തുക.
ഇന്ത്യൻ കൗൺസിൽ  ഓഫ് അഗ്രിക്കൾചറൽ റിസർച്ചിന്റെ ഗവേഷണ സ്ഥാപനമായ ഐ ഐ എച്ച് ആറിന്റെ ഔദ്യോഗിക വെബ്സൈറ്റായ www.iihr.res.in എന്നതിലാണ്   'വിത്ത് പോർട്ടൽ 'എന്ന നൂതന ആശയം ഉയർന്നത്. എസ് ബി ഐ യുടെ യോനോ കൃഷി ആപ്പായ  യോനോ മൺഡി ഐ ഐ എ ച്ച് ആറിന്റെ വിത്ത് പോർട്ടലിനെയും ഉൾപെടുത്തിയാണു കർഷകർക്കു വീട്ടുപടിക്കൽ വിത്ത് എന്ന ആശയം സാധ്യമാക്കിയത്.
19 ഇനം പച്ചക്കറി വിത്തുകൾക്കു പുറമെ പപ്പായ, അലങ്കാര സസ്യങ്ങളായ  ചൈന ആസ്റ്റർ, ബന്തി /ചെണ്ടുമല്ലി, ഔഷധ സസ്യങ്ങളായ  വെൽവെറ്റ് ബീൻസ് തുടങ്ങിയവയുടെ  വിത്തുകളും ഓൺലൈനിലൂടെ ലഭിക്കും.