നമ്മുടെയൊക്കെ വീടുകളിലെ കുട്ടികൾക്ക് ഇന്ന് മൊബൈൽ ഫോൺ അവരുടെ പഠനവുമായി ബന്ധപ്പെടുത്തുന്ന ഉപകരണമായി മാറിക്കഴിഞ്ഞു, അത് കൊണ്ട് തന്നെ മൊബൈൽ ഫോൺ ഉപയോഗത്തിൽ മുതിർന്നവരേക്കാൾ വിദഗ്ദരാണ് കുട്ടികൾ. കൗതുകത്തിനായോ പ്രലോഭനത്തിന് വഴങ്ങിയോ കുട്ടികൾ തുടങ്ങുന്ന ചാറ്റ് റൂം സൗഹൃദങ്ങൾ പലപ്പോഴും ചെന്നെത്തുന്നത് ഗുരുതരമായ ലൈംഗീക ചൂഷണങ്ങളിലേക്കാണ് എന്നത് നമ്മൾ ശ്രെദ്ധിക്കേണ്ടതാണ്. കുട്ടികളുടെ സ്ക്രീൻ ടൈം കൃത്യമായി പരിശോധിക്കുക, അസ്വഭാവികതകൾ തിരിച്ചറിയുക. കുട്ടികളുമായി തുറന്നു സംസാരിച്ചു അവരുടെ പ്രശ്നങ്ങൾ ക്ഷമയോടെ മനസിലാക്കുക. ആത്മവിശ്വാസം നൽകി അവ പരിഹരിക്കാൻ അവരെ സഹായിക്കുക. ഓൺലൈൻ പ്ലാറ്റ്ഫോം പോസറ്റീവ് ആയ കാര്യങ്ങൾക്ക് മാത്രമായി ഉപയോഗിക്കാൻ കുട്ടികളെ പരിശീലിപ്പിക്കുക ഇത്രയും കാര്യങ്ങൾ ശ്രെദ്ധിക്കുക എന്നത് ഓരോ രക്ഷിതാവിന്റെയും കടമയാണ് എന്നത് മറക്കാതിരിക്കുക.