സിന്റിക്കേറ്റ് ബാങ്കിന്റെ IFSC നമ്പറുകൾ ഉടൻ അസാധുവാകുമെന്ന് അറിയിപ്പ്
സിന്ഡിക്കേറ്റ് ബാങ്കിന്റെ എല്ലാ ഐഎഫ്എസ്സി നമ്പറുകളും 2021 ജൂലൈ 21 മുതൽ അസാധുവാകുമെന്ന് കാനറ ബാങ്ക് ഔദ്യോഗികമായി അറിയിച്ചു. ജൂ ണ് 30ന് മുമ്പായി എല്ലാ സിന്ഡിക്കേറ്റ് ബാങ്ക് ഉപയോക്താക്കളും അവരുടെ ബാങ്ക് ശാഖയുടെ ഐഎഫ്എസ്സി നമ്പര് പുതുക്കണമെന്നും നിര്ദേശമുണ്ട്. കാനറ ബാങ്കുമായുള്ള സിന്ഡിക്കേറ്റ് ബാങ്കിന്റെ ലയനത്തെത്തുടര്ന്ന് SYNB എന്നാരംഭിക്കുന്ന എല്ലാ സിന്ഡിക്കേറ്റ് ഐഎഫ്എസ്സി നമ്പറുകളിലും മാറ്റം വരുത്തിയിരിക്കുവെന്ന് കാനറ ബാങ്ക് പറഞ്ഞു. 2021 ജൂലൈ 1 മുതല് SYNBയില് ആരംഭിക്കുന്ന എല്ലാ ഐഎഫ്എസ്സി കോഡുകളും അസാധുവാകുമെന്നും ബാങ്ക് വ്യക്തമാക്കിയിട്ടുണ്ട്. കാനറ ബാങ്ക് അക്കൗണ്ട് ഉടമകള് തങ്ങള്ക്ക് പണം അയ്ക്കുന്ന വ്യക്തികളോട് പുതിയ ഐഎഫ്എസ്സി കോഡ് ഉപയോഗിക്കുവാന് അറിയിക്കേണ്ടതാണ്. CNRB എന്ന് ആരംഭിക്കുന്നതായിരിക്കും പുതുക്കിയ ഐഎഫ്എസ്സി നമ്പര്. നെഫ്റ്റ്, ആര്ടിജിഎസ്, ഐഎംപിഎസ് തുടങ്ങി ഏത് രീതിയില് പണം അയയ്ക്കുമ്പോഴും പുതിയ ഐഎഫ്എസ്സി നമ്പര് ഉപയോഗിക്കണമെന്ന് അയയ്ക്കുന്ന വ്യക്തിയെ ഓര്മപ്പെടുത്തണം. നെഫ്റ്റ്, ആര്ടിജിഎസ്, ഐഎംപിഎസ് തുടങ്ങിയ ഓണ്ലൈന് പണ കൈമാറ്റങ്ങള്ക്ക് ഐഎഫ്എസ്സി കോഡ് നിര്ബന്ധമാണ്. 2020 ഏപ്രില് മാസത്തിലാണ് സിന്ഡിക്കേറ്റ് ബാങ്ക് കാനറ ബാങ്കില് ലയിച്ചത്.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment