ലോക ജൈവവൈവിധ്യദിനത്തിൽ സംസ്ഥാന ജൈവവൈവിധ്യ ബോർഡിൻറെ വെബ്ബിനാർ
ജീവന്റെ നിലനിൽപ്പ് ജൈവവൈവിധ്യത്തിൽ അധിഷ്ഠിതമാണ് എന്ന് ഓർമപ്പെടുത്തിക്കൊണ്ട് ഇന്ന് മെയ് 22 അന്താരാഷ്ര ജൈവ വൈവിധ്യ ദിനം. ജൈവ വൈവിധ്യങ്ങളുടെ സംരക്ഷണം മനുഷ്യ നന്മയ്ക്കു മാത്രമല്ല ഭൂമിയുടെ തന്നെ നിലനിൽപ്പിന് അത്യാവശ്യമാണെന്നും ജൈവവിഭവങ്ങളുടെ സുസ്ഥിരോപയോഗത്തിന് ചൂഷണം ചെയ്യാതെയുള്ള തുല്യമായ പങ്കിടലും അനിവാര്യമാണെന്ന സന്ദേശം കൂടി പങ്കിട്ടുകൊണ്ട് കോവിഡ് മഹാമാരിയുടെ പശ്ചാത്തലത്തിലുള്ള ഈ ജൈവ വൈവിധ്യ ദിനം നാം പ്രകൃതിയോട് ഇണങ്ങി ജീവിക്കേണ്ടതിന്റെ ആവശ്യവും എടുത്തു കാണിക്കുന്നു.
പരിസ്ഥിതി വകുപ്പ് അഡീഷണൽ ചീഫ് സെക്രട്ടറി ഡോ. വി. വേണു ഉൽഘാടനം ചെയ്യുന്ന രാവിലത്തെ സെക്ഷനിൽ കേരള സംസ്ഥാന വൈവിധ്യബോർഡ് ചെയർ പേഴ്സൺ ഡോ.സി. ജോർജ് തോമസ് അധ്യക്ഷനായിരിക്കും.
അന്താരാഷ്ട്ര ജൈവവൈവിധ്യദിനത്തോടനുബന്ധിച്ച് ഐക്യരാഷ്ട്രസഭ
മുഖ്യവിഷയമായി
പ്രഖ്യാപിച്ചിട്ടുള്ള നമ്മളും 'പരിഹാരത്തിന്റെ ഭാഗമാണ് ' എന്നതിനെ ആധാരമാക്കി കേരള സംസ്ഥാന ജൈവ വൈവിധ്യ ബോർഡ് വിവിധ വിഷയങ്ങളിൽ വെബ് ബിനാർ സംഘടിപ്പിക്കുന്നു.
പരിസ്ഥിതി വകുപ്പ് അഡീഷണൽ ചീഫ് സെക്രട്ടറി ഡോ. വി. വേണു ഉൽഘാടനം ചെയ്യുന്ന രാവിലത്തെ സെക്ഷനിൽ കേരള സംസ്ഥാന വൈവിധ്യബോർഡ് ചെയർ പേഴ്സൺ ഡോ.സി. ജോർജ് തോമസ് അധ്യക്ഷനായിരിക്കും. ടെക്നിക്കൽ സെക്ഷനിൽ ജൈവ വൈവിധ്യ സംരക്ഷണവും ദുരന്തം മൂലമുള്ള അപകടങ്ങൾ കുറയ്ക്കലും എന്ന വിഷയത്തിൽ ഡോ. മുരളി തുമ്മാരക്കുടിയുടെ പ്രഭാഷണം, ചർച്ച. പശ്ചിമഘട്ടം: നഷ്ട പെട്ട വൈവിധ്യത്തെ വീണ്ടെടുക്കൽ എന്ന വിഷയത്തിൽ പ്രൊഫ. ഇ. കുഞ്ഞികൃഷ്ണന്റെ പ്രഭാഷണം. ചർച്ച. സമുദ്ര ആവാസ വ്യവസ്ഥയിലെ ജൈവ വൈവിധ്യത്തിന്റെ സംരക്ഷണം, വെല്ലുവിളികൾ, വീക്ഷണം എന്ന വിഷയത്തിൽ ഡോ. കീർത്തിയുടെ പ്രഭാഷണം, ചർച്ച എന്നിവ നടക്കും.
ഉച്ചയ്ക്കു ശേഷമുള്ള വിദ്യാർഥികൾക്കു വേണ്ടിയുള്ള സെക്ഷനിൽ ചെറിയവരുടെ വലിയ ലോകം എന്ന വിഷയത്തിൽ വിജയകുമാർ ബ്ളാത്തൂരിന്റെ പ്രഭാഷണം, ചർച്ച എന്നിവയ്ക്കു ശേഷം ഗോപിനാഥ് മുതുകാട് മുഖ്യ പ്രഭാഷണം നടത്തും.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment