കോവിഡിനെതിരെ രാജ്യം ഒന്നടങ്കം പോരാടിക്കൊണ്ടിരിക്കുമ്പോൾ ഒരു ആശ്വാസ വാർത്ത കൂടി. കോവിഡ് ടെസ്റ്റ് ഇനി വീട്ടിൽ ചെയ്യാം. റാപ്പിഡ്  ആന്റിജന്‍ കിറ്റുകള്‍ ഉപയോഗിച്ച് കോവിഡ് പരിശോധന വീട്ടില്‍ നടത്തുന്നതിന് ഐ.സി.എം.ആര്‍. അംഗീകാരം നൽകി. ആവശ്യാനുസരണം കിറ്റുകള്‍ ഉടന്‍ വിപണിയിലെത്തിക്കുമെന്ന് കേന്ദ്രസര്‍ക്കാര്‍ അറിയിച്ചു. പരിശോധനാരീതി മനസ്സിലാക്കുന്നതിന് മൊബൈല്‍ ആപ്പും പുറത്തിറക്കും. പരിശോധന  എങ്ങനെയാണ് നടത്തേണ്ടത് എന്നത് സംബന്ധിച്ച മാര്‍ഗനിര്‍ദേശങ്ങളെല്ലാം ആപ്പില്‍ ലഭ്യമാണ്. വീട്ടില്‍ പരിശോധന നടത്താനുളള ഈ കിറ്റുകള്‍ ലബോറട്ടറികളിലെ തിരക്ക് കുറയ്ക്കുമെന്നാണ് പ്രതീക്ഷ. ആർ.ടി.പി.സി.ആർ. പരിശോധന നടത്തുന്നതിന് സ്വകാര്യആശുപത്രികൾ ഉയർന്ന ചാർജ്  ഈടാക്കിയിരുന്നതും പരിശോധന നിർത്തി വെച്ചതും വിവാദമായിരുന്നു.