കോവിഡ് ഒരു ജീവൻ കൂടി കവർന്നു, കെ.സി.ഇ.എഫ്. സമരത്തിലേക്ക്
സഹകരണ മേഖലയിലെ ഒരു ജീവനക്കാരിയെ കൂടി കോവിഡ് കവർന്നെടുത്തു. കാസർഗോഡ് വിദ്യാനഗർ സഹകരണ പ്രസ്സിൽ ജോലിചെയ്തിരുന്ന കാറഡുക്ക കോളിയടുക്കത്തെ കലാവതി എന്ന ശശികല(46) ആണ് ഇന്ന് പുലർച്ചെ മൂന്നിന് കോവിഡ് ബാധിച്ച് മരിച്ചത്. കഴിഞ്ഞ ഒരാഴ്ചയായി ചെങ്കള സഹകരണ ആസ്പത്രിയിൽ ചികിത്സയിലായിരുന്നു. രണ്ട് സഹകരണ ജീവനക്കാരാണ് ഒരാഴ്ചയ്ക്കിടെ ജില്ലയിൽ കോവിഡ് ബാധിച്ച് മരിച്ചത് എന്നത് ആശങ്ക ഉണർത്തുന്നതാണ്. പനത്തടി ബാങ്ക് ജീവനക്കാരി അർച്ചന (38) നാല് ദിവസം മുമ്പാണ് മരിച്ചത്. ജില്ലയിൽ നിരവധി സഹകരണ ജീവനക്കാരും കുടുംബാംഗങ്ങളും കോവിഡ് പിടിപെട്ട് ചികിത്സയിലാണ്.
കോവിഡ് വ്യാപന ഭീതിക്കിടയിലും വീടുകളിലെത്തി സാമൂഹ്യ പെൻഷൻ വിതരണം ചെയ്യുന്ന സഹകരണ ജീവനക്കാർക്ക് കോവിഡ് വാക്സിൻ നൽകുന്നതിന് മുൻഗണന നൽക്കണമെന്ന ആവശ്യം ബന്ധപ്പെട്ടവർ അവഗണിക്കുകയാണെന്നും സർക്കാർ ഇനിയും ഇത് അവഗണിച്ചാൽ സമരപരിപാടികളുമായി മുന്നോട്ടു പോകുമെന്നും കെ.സി.ഇ.എഫ്. കാസർകോട് ജില്ലാ പ്രസിഡൻറ് പി.കെ.വിനോദ് കുമാർ ചൂണ്ടിക്കാട്ടി.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment