പൊതുജനങ്ങളുമായി ഏറ്റവും കൂടുതൽ ഇടപെടുന്നവർ  എന്ന നിലയിൽ സഹകരണബാങ്കുകളിലെ ജീവനക്കാർക്ക് കോവിഡ് വാക്സിൻ നൽകുന്നതിൽ മുൻഗണന നൽകണമെന്ന് കേരള കോ-ഓപ്പറേറ്റീവ് എംബ്ലോയീസ് ഫ്രണ്ട് പ്രസിഡൻറ് ജോഷ്വ  മാത്യു, ജനറൽ സെക്രട്ടറി അശോകൻ കുറുങ്ങപള്ളി എന്നിവർ  സഹകരണ വകുപ്പു മന്ത്രി കടകംപിള്ളി സുരേന്ദ്രനോട് ആവശ്യപ്പെട്ടു. കോവിഡ് അതിരൂക്ഷമായി തുടരുന്ന സാഹചര്യത്തിലും സാമൂഹിക സുരക്ഷാ പെൻഷൻ വിതരണം, നിക്ഷേപ-വായ്പ കളക്ഷൻ എന്നിവ വീടുകളിൽ നേരിട്ടെത്തിയാണ് സഹകരണ ജീവനക്കാർ ചെയ്തുവരുന്നത്. ഇതിനു പുറമെ നീതി സ്റ്റോർ, നീതി ലാബ് തുടങ്ങിയ ആരോഗ്യ രംഗത്തെ പ്രവർത്തനങ്ങളും  ഓണം, വിഷു, റംസാൻ തുടങ്ങിയ മാർക്കറ്റുകളും മറ്റു ബാങ്കിങ്ങ് പ്രവർത്തനങ്ങളും ചെയ്തുവരുന്നു. കഴിഞ്ഞ ഒന്നര വർഷത്തിനുള്ളിൽ നിരവധി ജീവനക്കാർക്കാണ് രോഗം ബാധിച്ചത്. ഒട്ടേറെ പേർക്ക്  ജീവൻ നഷ്ടപ്പെട്ടു.