കൊറോണ കവച്, കൊറോണ രക്ഷക് എന്ന പേരിലുള്ള ഇൻഷുറൻസ് പോളിസികളാണ് മഹാമാരിക്കാലത്ത് രക്ഷക്കെത്തുന്നത്.50,000 രൂപ മുതൽ 2.5 ലക്ഷം രൂപ വരെ പരിരക്ഷ നൽകുന്ന പോളിസിയാണ് കൊറോണ രക്ഷക്. കോവിഡ് 19 ന്റെ പൂർണ്ണ ചികിത്സക്ക് ആവശ്യമായ ഇൻറ്റംനിറ്റി പോളിസികളാണ് കൊറോണ കവച്, പരമാവുധി 5 ലക്ഷം രൂപയുടെ പരിരക്ഷയാണ് ഈ പോളിസി നൽകുന്നത്. ഇൻഷുറൻസ് റെഗുലേറ്ററി & ഡെവലപ്പ്മെന്റ് അതോറിറ്റി ഓഫ്‌ ഇന്ത്യ (IRDAI )യുടെ നിർദേശ പ്രകാരം കൊറോണ കവച് പോളിസി എല്ലാ ഇൻഷുറൻസ് കമ്പനികളും നിർബന്ധമായും വിൽക്കണം എന്ന് പറയുന്നു. കൊറോണ രക്ഷകിനു ഇത് നിർബന്ധമല്ല.18 മുതൽ 65 വയസ്സ് വരെയാണ് പ്രായപരിധി, ഒറ്റതവണ പ്രീമിയം അടവാണ് പോളിസികളുടെ പ്രത്യേകത. വാങ്ങിയാൽ 15 ദിവസത്തിനകം പ്രാബല്ല്യത്തിൽ വരും.