ധൃതഗതിയിൽ പടരുന്ന കോവിഡ് വൈറസ് നമ്മളെ എവിടെ കൊണ്ടെത്തിക്കും എന്നറിഞ്ഞു കൂടാ.. രാജ്യത്തിന്റെ അവസ്ഥ അറിയില്ല. എത്ര പേർക്ക് തൊഴിൽ നഷ്ടമാകുമെന്നും, എത്ര കമ്പനികൾ പൂട്ടുമെന്നും നമുക്കറിയില്ല.പണത്തിന്റെ കാര്യത്തിൽ വളരെ കരുതൽ വേണ്ട സമയമാണിത്.ആവശ്യം, അത്യാവശ്യം, അനാവശ്യം എന്ന നിലയിൽ കാര്യങ്ങളെ കണ്ട് ചിലവ് ചെയ്യേണ്ടതാണ്. ബ്രാൻഡ്  സാധനങ്ങൾക്ക് പുറകെ പോയി കാശ് കളയേണ്ട സമയമല്ലിത്, കുറഞ്ഞ ചിലവിൽ ആവശ്യം നടക്കുക എന്നതിനാകണം പ്രാധാന്യം. അടച്ചു പൂട്ടൽ വരുമ്പോൾ ഉണ്ടാകാൻ പോകുന്ന ക്ഷാമത്തെ ഭയന്ന് കയ്യിലുള്ള പണത്തിനു മുഴുവൻ വീട്ടു സാധനങ്ങൾ സ്റ്റോക്ക് ചെയ്ത ആളുകളുണ്ട്, മറ്റു ആവശ്യങ്ങൾക്ക് വേണ്ടി അവർ ഇപ്പോൾ വ്യസനിക്കുന്നു.

അത് പോലെ കൈയിൽ ഉള്ള പണത്തിനു സ്വർണ്ണം വാങ്ങിക്കൂട്ടിയ ആളുകളുണ്ട്. കണ്ടെയ്ൻമെന്റ് സോണുകളിൽ ഉള്ളവർ സ്വർണം വിൽക്കാമെന്നു വെച്ചാൽ ഒരൊറ്റ സ്വർണ്ണക്കടകളും തുറന്നിട്ടില്ല താനും.

 പെട്ടന്നുണ്ടാകുന്ന രോഗങ്ങൾക്കും , ചികിത്സകൾക്കും മറ്റു ചിലവുകൾക്കും ഉള്ള പണം മാറ്റി വെക്കുകയും, ആർഭാടമില്ലാതെ ലളിതമായി ജീവിക്കുകയും

 ചെയ്യുന്നതിലൂടെ നമുക്ക് കോവിഡ് കാലത്തെ അതിജീവിക്കാം