പ്ലാറ്റിനം ജൂബിലി വർഷത്തിൽ ശ്രീകൃഷ്ണപുരം സർവീസ് സഹകരണ ബാങ്കിന് ഐ .എസ് .ഓ അംഗീകാരം ലഭിച്ചു.മെയ് 5 ന് ബാങ്ക് ഹാളിൽ പ്രഖ്യാപനം നടക്കും .സേവന ഗുണനിലവാരം വർധിപ്പിച്ചതിന്റെയും വൃത്തിയുടെയും അടിസ്ഥാനത്തിലാണ് സംഘം ഐ .എസ്.ഓ അംഗീകാരം നേടിയത് .ശ്രീകൃഷ്ണപുരത്തു എ .സി .കോൺഫറൻസ് ഹാൾ ,റേഷൻ കടകളിലേക്ക് 8,000 ചതുരശ്ര അടി വിസ്തീർണ്ണമുള്ള അരി സംഭരണ കേന്ദ്രം ,മംഗലാംകുന്നിലും എലമ്പുലാശേരിയിലും ജനസേവന കേന്ദ്രങ്ങൾ ,വിദ്യാർത്ഥികൾക്ക് ഉന്നത വിദ്യാഭ്യാസത്തിനുള്ള പലിശരഹിത ലാപ്ടോപ്പ് ലോൺ ,ബാങ്കിന്റെ ബ്രാഞ്ചുകളിൽ ഇൻഷുറസ് കമ്പനികളുടെ സേവനം ഉറപ്പാക്കുന്ന "സുരക്ഷ പദ്ധതി " ശ്രെദ്ധ ഹോം നഴ്സിംഗ് ഏജൻസി ,ഡോക്ടർമാരുടെ സേവനം ഉറപ്പാക്കുന്ന ഇ .കെ . നായനാർ മെമ്മോറിയൽ ക്ലിനിക് ,ഫാർമസി ,രണ്ട്‌ ആധുനീക മെഡിക്കൽ ലാബുകൾ എന്നിവ ബാങ്കിന്റെ നേതൃത്വത്തിൽ പ്രവർത്തിച്ചു വരുന്നു .