കോവിഡിന്റെ മാരകമായ രണ്ടാം തരംഗം അനിയന്ത്രിതമായി വർദ്ധിക്കുന്ന സാഹചര്യത്തിൽ സംസ്ഥാനത്തെ ബാങ്കുകളുടെ പ്രവർത്തന സമയം കോവിഡ് പ്രോട്ടോകോൾ മാനദണ്ഡങ്ങൾ പാലിച്ചു കൊണ്ട്  രാവിലെ 10 മുതൽ ഉച്ചക്ക് 2 മണിവരെ ക്രമീകരിച്ചിട്ടുണ്ട് .എന്നാൽ സഹകരണ സംഘങ്ങളെ ഈ പട്ടികയിൽ പെടുത്തിയിട്ടില്ല .ഇക്കാര്യം ചൂണ്ടിക്കാട്ടി സഹകരണ ജീവനക്കാരുടെ സംഘടനകളും സഹകരണ സംഘം ജീവനക്കാരും മന്ത്രിക്കും സഹകരണ വകുപ്പിനും കത്ത് നൽകിയിട്ടുണ്ട് .ചില നിയന്ത്രണങ്ങളോടെ ഉത്തരവ് ഇന്ന് തന്നെ പ്രസിദ്ധപ്പെടുത്താമെന്ന് രജിസ്ട്രാർ അറിയിച്ചിട്ടുണ്ട് ,ഇത് സംബന്ധിച്ച ഉത്തരവ് ഉടനെ ഉണ്ടാകും എന്നാണ് പ്രതീക്ഷിക്കുന്നത്