കർഷകരെയും ചെറുകിട കർഷകരെയും പ്രതിസന്ധിയിലാക്കുന്ന നടപടിയുമായി നബാർഡ് .ചെറുകിട സംരംഭ മേഖലകളെ സജീവമാക്കാൻ ചെലവിട്ട പണം നബാർഡ് തിരിച്ചു പിടിക്കാൻ ഒരുങ്ങുന്നു .കേരളത്തിൽ ഈ മേഖലയിലേക്കായി നബാർഡ് ചെലവിട്ടത് 2500 കോടി രൂപയാണ് .കോവിഡ് രൂക്ഷമായപ്പോൾ സാമ്പത്തിക മേഖല തകരാതിരിക്കാൻ സാമ്പത്തിക സഹായം നൽകണമെന്ന് റിസർവ്വ് ബാങ്ക് നിർദ്ദേശിച്ചതിന്റെ അടിസ്ഥാനത്തില് ആണ് നബാർഡ് വായ്പ്പ അനുവദിച്ചത് .കേരള ബാങ്കിന് 1500 കോടിയും ഗ്രാമീൺ ബാങ്കിന് 1000 കോടിയുമാണ് അനുവദിച്ച ഈ പണം സഹകരണ ഗ്രാമീണ ബാങ്കുകൾ വഴിയാണ് വിതരണം ചെയ്തത്.വായ്പ്പ തിരിച്ചടച്ചില്ലെങ്കിൽ അധിക പലിശയുള്ള സ്വന്തം വായ്പ്പകളാക്കി മാറ്റി നഷ്ടം നികത്താനാണ് പ്രാഥമിക സഹകരണ സംഘങ്ങളോട് ആവശ്യപ്പെട്ടിട്ടുള്ളത്, ഇത് കർഷകരെയും സംരംഭകരേയും വലയ്ക്കുന്ന സംഗതിയാണ് .സുഭിക്ഷ കേരളം പദ്ധതിയിലുൾപ്പെട്ട പ്രവർത്തങ്ങൾക്കും ഇതിൽ നിന്നാണ് പണം അനുവദിച്ചിരുന്നത് .