പുതുക്കിയ നിയമമനുസരിച്ചു സീറോ ബാലൻസ് അക്കൗണ്ട് തുറക്കുന്നതിനു ചില പരിമിതികൾ ഏർപ്പെടുത്തിയിട്ടുണ്ട് .പോസ്റ്റ് ഓഫീസ് സേവിങ്സ് അക്കൗണ്ടുമായി ബന്ധപ്പെട്ട നിയമങ്ങളിൽ സർക്കാർ മാറ്റം വരുത്തിയതിന്റെ ഭാഗമായാണിത്. മുമ്പത്തെ പോലെ ഇനി എല്ലാവർക്കും സീറോ ബാലൻസ് അല്ലെങ്കിൽ ബേസിക് സേവിങ് അക്കൗണ്ട് തുറക്കാനാവില്ലെന്ന് 2021 ഏപ്രിൽ 9 ന് ധനമന്ത്രാലയം വിജ്ഞാപനം പുറപ്പെടുവിച്ചിരുന്നു .ഏതെങ്കിലും സർക്കാർ ക്ഷേമ പദ്ധതിയിൽ രജിസ്റ്റർ ചെയ്തിട്ടുള്ള മുതിർന്ന അംഗങ്ങൾക്കോ ,സർക്കാർ ആനുകൂല്യങ്ങൾ രജിസ്റ്റർ ചെയ്തിട്ടുള്ള പ്രായപൂർത്തി ആകാത്തവരുടെ രക്ഷിതാക്കൾക്കോ  മാത്രമേ ഇനി സീറോ ബാലൻസ് അക്കൗണ്ട് തുറക്കാനാവുകയുള്ളു .ഈ വ്യക്തികൾ തുറക്കുന്ന പോസ്റ്റ് ഓഫീസ് അക്കൗണ്ടുകളെല്ലാം തന്നെ സീറോ ബാലൻസ് അക്കൗണ്ടുകളായിരിക്കും.ആർക്കും ഒന്നിൽ കൂടുതൽ അക്കൗണ്ടുകൾ തുറക്കാനാകില്ല പെൻഷൻ ,സ്കോളർഷിപ്പ് ,എൽ .പി .ജി സബ്സിഡി തുടങ്ങിയ സർക്കാർ ആനുകൂല്യങ്ങൾ ലഭിക്കുന്നതിന് ആ അക്കൗണ്ട് ഉപയോഗിക്കാം .