കോവിഡിന്റെ രണ്ടാം വരവിനെ നേരിടാൻ ചില സംസ്ഥാനങ്ങൾ ലോക്ക്ഡൗൺ പ്രഖ്യാപിക്കുന്ന സാഹചര്യത്തിൽ ,ബാങ്ക് വായ്പ്പകൾക്ക് മൊറട്ടോറിയം പ്രഖ്യാപിക്കില്ല .നിലവിലെ സാഹചര്യം നേരിടാൻ രാജ്യത്തെ വ്യവസായ സ്ഥാപനങ്ങൾ സുസജ്ജമാണെന്നും പ്രവർത്തങ്ങളുമായി മുന്നോട്ടുപോകാൻ സാധിക്കുമെന്നും ആർ .ബി .ഐ ഗവർണർ പറഞ്ഞു .നേരത്തെ രാജ്യവ്യാപകമായി ലോക്ക്ഡൗൺ പ്രഖ്യാപിച്ചപ്പോൾ റിസർവ്വ് ബാങ്കിലെ എല്ലാ വായ്പ്പകൾക്കും ആറ് മാസത്തെ മൊറട്ടോറിയം പ്രഖ്യാപിച്ചിരുന്നു .2020 ആഗസ്റ്റിലാണ് ഇളവുകളുടെ കാലാവധി അവസാനിച്ചത് .തുടർന്ന് മൊറട്ടോറിയം നീട്ടണമെന്ന ആവശ്യം ഉന്നയിച്ച ഹർജികൾ സുപ്രീംകോടതി തള്ളുകയായിരുന്നു .അതെ സമയം ഭാവിയിൽ കാര്യങ്ങൾ കൂടുതൽ വഷളായാൽ ആർ .ബി .ഐ എന്ത് നടപടി സ്വീകരിക്കുമെന്ന ചോദ്യത്തിന് ഗവർണർ കൃത്യമായ മറുപടി നൽകിയില്ല .